Pois si, este luns 11 de xaneiro do novo ano que estreamos, tamén nos estreamos querendo coñecer os segredos dunha linguaxe tan importante como a linguaxe literaria, que ademais está tamén moi presente nas nosas vidas: a linguaxe cinematográfica. (neste enlace tedes unhas nocións básicas, que complementamos coa presentación que preparamos e que colgamos no post anterior).
Porque, dende que se inventou o cinematógrafo alá polo final do século XIX, tivo unha influencia manifesta como entretemento ou espectáculo, e tamén como medio para contar historias profundas a través do poder das imaxes, que nos fan reflexionar sobre a condición humana tanto como calquera bo libro.
Vivimos rodeados de imaxes e para entender todo o significado que encerran debemos coñecer os seus propios recursos expresivos.
Por iso, despois de ver na anterior sesión o filme de Buster Keaton, nesta ocasión quedamos para comentalo e para dar unhas nocións básicas dos recursos dos que se vale o cinema para atraparnos, engaiolarnos e reconstruír tanto mundos reais como imaxinados, do pasado ou do presente, e incluso do futuro, ante os que caemos rendidos poloa súa capacidade de "ilusión"...
Disfrutamos moito e quedan apuntadas varias suxestións e peticións dos Siareiros para próximas sesións de cinema: "Cantando bajo la lluvia"... Agradecementos ao noso invitado, o profe Raúl Francés, que encantado quixo compartir con tod@s nós o amor pola "Sétima Arte" e, en especial, por Buster Keaton, entreténdonos en desvelar, imaxinar ou supoñer os posibles trucos ou destrezas que daquela utilizarían para rodar con ese "saber facer". QUE ARTE!!
