La gramática del amor: Ou as pasarelas cara a outras lecturas, música, cinema, pintura...

Limos este libro con tempo e agora quedamos para comentalo este luns 21 de xaneiro, os compañeiros de 3º e 4º. Falaremos do amor nos seus diferentes aspectos: primeiro amor, amor paixón, amor tranquilo, amores contrariados, amores non correspondidos, tráxicos, eternos... Tema complexo, universal, atractivo, o amor como idea e o amor como realidade, en definitiva, como ese compromiso tan humano que ten que ver con todos nós. 

E a literatura, que está aí para contalo, para reflexalo e reflexionalo. Queremos invitarvos a que deades a volta a cada páxina de cada lectura das que fai referencia este libro de Rocío Carmona, que pretende atraervos coas numerosas referencias literarias, musicales, pictóricas, etc. que enriquecen esta historia adolescente de iniciación polas sendas dos sentimentos e das emocións.

Con anterioridade fixeramos xa unha entrada no blog biblosvivos para presentarvos "La gramática del amor" cando saíu publicada. Nela podedes atopar referencias a cada libro citado.

A autora Rocío Carmona é periodista, editora e forma parte do grupo musical Nikosia.  Comprobade que ben soa a súa "The grammar of love" 

Deixamos aquí unha ficha ben completa a modo de guía de lectura:

FICHA DE LECTURA:

LA GRAMÁTICA DEL AMOR – ROCÍO CARMONA

            “Nunha hora de amor hai unha vida enteira” – Honoré de Balzac.

TÍTULO: La gramática del amor.

AUTOR: Rocío Carmona.

LUGAR DE PUBLICACIÓN: Barcelona.

EDITORIAL: La Galera.

COLECCIÓN: Narrativa singular.

ANO DE PUBLICACIÓN: 2011

PUBLICADO EN ESPAÑA: 2011

PREMIOS:

A banda sen futuro: Música e literatura

Este pasado luns 14 de xaneiro, comezamos o ano comentando o libro "A banda sen futuro" de Marilar Aleixandre, lido polo alumnado de 1º e 2º. O profesor Xoán coordinou a sesión partindo da lectura e comentario de parágrafos significativos, que axudaron a recordar e tamén nos acompañou a música de Poch e Derribos Arias, de U2..., que puxeron banda sonora á historia, e máis os fragmentos de filmes como Mary Reilly, A lista de Schindler ou Fargo, aos que fai referencia o libro. Deste xeito tentamos contextualizar, ampliar e conectar diferentes medios e feitos que forman parte da nosa cultura.

O luns día 29 de Outubro fixemos a primeira reunión do Club de lectura, que serviu de presentación dos novos membros, (asistiron 30 dos 51 que  forman o Club este ano) e tamén de reflexión ante uns criterios e normas de convivencia que elaboramos para favorecer a comunicación e a dinámica do grupo. (enlace)

            De seguido, puidemos escoitar dun xeito espontáneo as recomendacións das lecturas favoritas de moitos dos presentes: Trece anos de Branca, Los juegos del hambre, Abdel, Charlie y la fábrica de chocolate, Seré tu héroe, Diario violeta de Carlota, Buenos días princesa; ata un libro portugués sobre o mundo das drogas: A lúa de Xoana, que nos recomendou Gwen; sen deixar de nomear o entusiasmo de David Gómez falando da Guía moogle del mundo mágico, onde descubrir a maxia a través da maxia, en relación aos relatos de Harry Potter.

            Anunciamos os libros que leremos en novembro:

 

A banda sen futuro de Marilar Aleixandre para o 1º ciclo,

La gramática del amor de Rocío Carmona para o 2º ciclo.

 A nosa intención é traballalos en relación á presenza da música que atopamos en cada un deles. Cremos que as sesións que fagamos serán de gran interese e atractivo.

            Para finalizar, o profesor Xoán deu cunha páxina web moi boa onde se fan entrevistas a diferentes escritores e escritoras: conoceralAutor. Eliximos escoitar as palabras de Elvira Lindo. Mais,  non deu tempo a facer todo o que pensabamos, pero para empezar está moi ben…

Sentimos  e pedimos desculpas porque houbo algúns compañeiros e compañeiras que non pudieron asistir porque non lles chegou a autorización no seu debido momento, pero podedes deixarnos aquí os vosos comentarios e así facer extensiva a vosa participación.

Xa temos exemplares do libro A banda sen futuro, que podedes pasar a recoller á biblioteca. Os outros chegarán esta semana.