O luns 21 de Outubro quedamos a mediodía para iniciar esta nova andaina a redor da lectura. Comezamos por presentarnos, sobre todo aos novos compañeiros e compañeiras, falamos do programa para este curso, non perdemos de vista as normas e criterios para formar parte desta experiencia, comentamos as actividades nas que poderemos participar: colaboración en montaxe de exposicións, contacontos, concursos, ideas a aportar, etc.
Relacionamos as lecturas e filmes seleccionados co lema da B.E. elixido para artellar as diversas actividades de dinamización e animación á lectura:
"Viaxes Reais, Viaxes Imaxinadas"
 |
| Campos de Castela en Corrales, Zamora. (P.F.Bañuelos) |
 |
| Escultura na Illa de San Simón. (P.F.Bañuelos) |
ACTIVIDADES PREVISTAS:
- Programa
de Lecturas mensuais:
-OUTUBRO- Presentación
e posta en común das lecturas feitas no verán, para
compartilas e poder intercambiar impresións, recomendacións, etc.
-NOVEMBRO-Clásicos: Robinson
Crusoe ou A Illa do Tesouro.
-DECEMBRO-Filmes
e viaxes: Traballar
a linguaxe cinematográfica elixindo algún filme: La quimera del oro. El diablo sobre ruedas. Welcome.
-XANEIRO-Outras
culturas: Irmán do vento. (Iraq, guerra) M. Lourenzo González.
-FEBREIRO-Outros
mundos: A expedición do Pacífico.
Marilar Aleixandre.
-filme: Master and Commander.
-MARZO-BD: Aventuras:
Corto Maltés, Hugo Pratt. Tintín,
Hergé.
-ABRIL-Teatro
curto: buscar entre os autores galegos.
// Contacontos.
-Cidades con misterio: El retrato de Carlota. (Venecia). Ana Alcolea.
-MAIO- Tempo de Poesía: “Poesía, Música e Paisaxe”.
Aprender a recitar.
-Letras Galegas: Nimbos. Xosé
María Díaz Castro.
-XUÑO-Saída a Cabo Home e costa do Morrazo.
Fariamos un par de rotas pola contorna e leriamos textos de
poesía relacionada co mar…
- Tamén Len: Invitación mensual
dun lector da contorna ou antigo alumno/a para ler un fragmento ou relato e debate
posterior, no recreo na Biblioteca, aberta a todos. En colaboración co Dpt. de
Lingua Castelá
-
Presentación de Libros: participación
dalgún editor, autor, artista, etc.
- Concurso fotográfico para fomento da
lectura: Ler un relato ou poema de entre varios aconsellados ou
preferidos e realizar unha imaxe fotográfica alusiva acompañada dun título
suxestivo. Relacionado co eslogan da Biblioteca
deste ano: “Viaxes reais, viaxes imaxinadas”.
-Elaborar
unha fotografía inspirada no mundo da lectura que nos serva de imaxe soporte da
nosa andaina lectora e que sexa significativa.
- Contacontos:,
de creación propia ou adaptada, para representalo en colaboración co CRAC Raíña
Aragonta (a 300 nenos/as de 3-5 anos en todo o Municipio).
-Club de Lectura de Profes ”O Anel de Palova”. Un libro por
trimestre. Tamén abriremos un apartado no blog biblosvivos.blogspot.com de “Recomendacións de lecturas para adultos”
-Idea de promover a creación de Clubs de Lectura de adultos, nenos e
xóvenes na Biblioteca Municipal.
-Saídas:
- Excursión literaria de 1 día a Cabo
Home ou ás Illas Cíes ou Illa de
Ons, mar, paisaxe, paisanaxe
e poesía, co profesorado do Equipo da B.E., para ler poesía e facer algunha
rota e unha comida literaria. Outras opcións: facer unha rota
de sendeirismo pola zona, nunha xornada literaria. Quedar unha
noite para facer unha “viaxe ás estrelas” guiados
por alguén experto na contemplación da bóveda celeste.
---------------------- * -----------------------
Pensamos que sería boa idea comezar lendo un clásico como "Robinson Crusoe" de Daniel Defoe, que cremos xerará una debate do máis interesante e que facilitará referencias a outras obras literarias, a filmes, etc.
Esperamos que os nosos corenta e tantos siareiros da palabra deste ano, pasen moi bos momentos coa súa lectura.
continuará...
