1ª sesión co Grupo de 3º e 4º ESO
O día 11 de
novembro de 2019 xuntámonos por primeira vez os alumnos e alumnas anotados
no Club de
Lectura de 3º e 4º da ESO, o número de asistentes foi 25.
Para o alumnado de nova incorporación, empezamos
explicando en que ía consistir o club de lectura e as normas a seguir, tamén falamos
das datas das reunións (que serán unha vez ao mes dependendo das actividades e
dos períodos de vacacións). Todos e todas comprometéronse a seguir e aceptar as
normas do club, aínda que a algúns e algunhas houbo que lembrárllelas un par de
veces máis.
A continuación
presentamos o primeiro libro para ler este trimestre. Trátase de Os
nenos da varíola de María Solar.
Como introdución falamos brevemente da enfermidade da varíola na historia da
humanidade, o descubrimento da vacina e a situación actual.
Para
introducilos na época do libro, vimos uns fragmentos da película 22 almas, que tamén se
centra na historia de Isabel Zendal e dos 22 orfos
do hospicio de A Coruña que levaron a vacina a América coa fin de familiarizalos coa forma de vivir de aqueles tempos en contraste coa situación actual. Ao rematar
quedaron en ler a novela para a próxima sesión en decembro.
No hay comentarios:
Publicar un comentario