O pasado luns día 2 reunímonos para falar e vivir as aventuras de ROBINSON CRUSOE. Para estar cómodos, dispuxemos unha gran mesa no centro da biblioteca. Eramos unhas 20 persoas e conseguimos facer unha sesión onde o libro foi lido por case todos os presentes que, animándonos cada vez maís, partimos da localización no mapa dos itinerarios feitos por Robinson, para falar dos aspectos maís importantes do libro a través da selección de citas significativas.
Acompañamos a charla con algunhas secuencias cinematográficas desta historia dun náufrago nunha illa deserta. Explicamos como este clasico da literatura universal chegou a convertirse nun mito contemporáneo, pois exemplifica a idea do home adaptando o medio ao estilo de vida europeo, como se dun colonizador se tratara. Acabará compartindo a súa illa e espantando a soidade coa chegada de Venres.
Ás veces unha lectura leva a outra e, neste caso, non puidems menos que recomendar ler a adaptación desta historia que fixera o escritor francés Michel Tournier, que titulou "Venres ou a vida salvaxe", onde lle dá a volta aos pesonaxes, e será agora o colonizado quen lle ensine outro modo de vivir na illa a Robinson.
Sorprendeunos atopar enteira na Rede, a versión fiel que o director de cine Luis Buñuel fixo no ano 1954 de Robinson Crusoe, un filme ben particular e pouco coñecido.
*Premendo na columna esquerda deste blog (Lecturas que fixemos) teredes colgadas as fichas de lectura destes dous libros.
------------------- * ------------------
Aproveitamos para anunciar que a seguinte sesión pensamos poder facela o luns 16 de decembro. Quedaremos para ver o filme de Charles Chaplin
"A quimera do ouro"
que nos permitirá compartir con Charlot as peripecias dos buscadores de ouro en Alaska. Á volta de vacacións, en xaneiro quedaremos para comentala.
Siiii, xa sabemos!, é cinema mudo, en branco e negro,
moi antiga, bufff!
... pero vos aseguramos que descubriredes a un xenio nunha aventura divertidísima e nun magnífico filme.
No hay comentarios:
Publicar un comentario